“Rosatom” Boliviyada Nüvə Tədqiqat və Texnologiya Mərkəzinin və nüvə reaktorunun inşasına başlayıb.
KONKRET.az xəbər verir ki, bu barədə “Rosatom”un vitse-prezidenti Kirill Komarov açıqlama verib.
“Bu reaktor Boliviyanı dünyanın innovasiya ölkələri siyahısına daxil edəcək texnoloji bir möcüzədir”, – vitse-prezdent deyib.
Nüvə mərkəzi dəniz səviyyəsindən 4 kilometr yüksəklikdə yerləşəcək. Mərkəz 2024-cü ildə fəaliyyətə başlayacaq.
Qeyd edək ki, “Rosatom” və Boliviya Nüvə Enerji Agentliyi 2017-ci ildə El-Alto şəhərində Nüvə Tədqiqatları və Texnologiyaları Mərkəzinin inşası barədə bir müqavilə imzalamışdılar.