Finlandiya XİN Rusiyanın bu ölkənin hava məkanını ikinci dəfə pozması ilə bağlı Helsinkidəki səfir Pavel Kuznetsovu nazirliyə çağırıb.

KONKRET.az xəbər verir ki, hadisə iyulun 10-da baş verib.

Finlandiya Müdafiə Nazirliyinin məlumatına görə, Rusiya Hərbi Hava Qüvvələrinə məxsus döyüş təyyarəsi səhər saatlarında ölkənin cənub hissəsində, Qulf of Finlandiya üzərində Finlandiyanın hava məkanına daxil olub. Rəsmi Helsinki hadisəni beynəlxalq hüququn pozulması kimi qiymətləndirib.

Finlandiya Xarici İşlər Nazirliyi baş verən insidentin qəbuledilməz olduğunu bildirərək, Rusiyadan izahat tələb edib. Nazirlikdən verilən açıqlamada qeyd olunur ki, Rusiya son bir neçə ay ərzində Finlandiya hava sərhədini ikinci dəfə pozub.
Rusiya tərəfi hələlik məsələyə münasibət bildirməyib.

Hadisə NATO üzvü olan Finlandiya ilə Rusiya arasında münasibətlərin gərgin olduğu bir dövrə təsadüf edir. Finlandiya 2023-cü ildə alyansa qoşulduqdan sonra Rusiya ilə sərhəddə təhlükəsizlik tədbirlərini gücləndirib.

Aynurə İsmayıl

KONKRET.az