Rusiyanın Xantı-Mansiysk Muxtar Dairəsinin deputatı Aleksandr Kolodiçin meyiti aşkarlanıb.

KONKRET.az yerli mediaya istinadən xəbər verir ki, bu barədə hüquq-mühafizə orqanları məlumat yayıb.

Bildirilib ki, deputatın üzərində zorakılıq izləri olan meyiti Yeni Moskvada fərdi evin zirzəmisində tapılıb.

Məlumata görə, onun həyat yoldaşı da bıçaq xəsarətləri ilə xəstəxanaya yerləşdirilib.

Qətldə şübhəli bilinən şəxs saxlanılıb.

Qeyd edək ki, 58 yaşlı Aleksandr Kolodiç Yuqra şəhərindən deputat seçilib.