Rusiyanın Ulyanovsk vilayətində Dimitrovqrad şəhərinin meri Andrey Bolşakov saxlanılıb. 

KONKRET.az yerli KİV-ə istinadən xəbər verir ki, mer səhər işə gəlib və onu dayanacaqda müstəntiqlər qarşılayıb.

Məlumata görə, təhlükəsizlik qüvvələri merin avtomobilini saxlasalar da, o, maşından düşmək istəməyib. Bolşakov hüquq-mühafizə orqanlarının əməkdaşlarına müqavimət göstərib, nəticədə əməliyyatçılar silahdan istifadə edib. Bundan sonra əməliyyatçılar avtomobilin şüşəsini sındıraraq məmuru qandallayıblar.

Qeyd olunub ki, Bolşakovun avtomobilində axtarış zamanı 1 milyon rubldan çox pul tapılıb. İndi təhlükəsizlik qüvvələri meriyada axtarışları davam etdirir.

Hadisə şahidləri məmurun saxlanmasını əks etdirən görüntüləri sosial şəbəkələrdə yayıblar.

İqbal Rzayev,

KONKRET.az