Rusiya xarici nümayəndəliklərinin daha 30 əməkdaşı viza məhdudiyyətləri səbəbindən 2023-cü il yanvarın 1-də ABŞ-ı tərk edəcək.
KONKRET.az xəbər verir ki, bunu cümə günü Rusiyanın Vaşinqtondakı səfiri Anatoli Antonov “Rossiya-24” telekanalının efirində deyib.
“Amerikalılar Rusiyanın ABŞ-dakı diplomatik mövcudluğunu azaltmaq siyasətini davam etdirirlər. Yanvarın 1-də Dövlət Departamentinin viza məhdudiyyətlərinə görə ABŞ-ı tərk etmək məcburiyyətində qalan daha 30 nəfər bizi tərk edir” – deyə səfir bildirib.
Günel Mikayılova,
KONKRET.az