Salyanda baş verən yol qəzasında 3 nəfər xəsarət alıb.
KONKRET.az xəbər verir ki, Qalalı kəndində “Hyundai” markalı avtomobil “VAZ-21015”-lə toqquşub.
Qəza nəticəsində rayonun Arbatan kənd sakinləri – 2002-ci il təvəllüdlü Həsənov Kərim Rövşən oğlu, 2003-cü il təvəllüdlü Məmmədov Əlisəfa Telman oğlu və 2001-ci il təvəllüdlü Mənəfov Nurlan Abdul oğlu müxtəlif dərəcəli xəsarətlər alıblar.
Yaralılar Salyan Mərkəzi Rayon Xəstəxanasına çatdırılıblar.
Faktla bağlı araşdırma aparılır. //Report