İrəvanda özünü buraxdığını elan etmiş qondarma rejimin nümayəndələrilə Ermənistan hökuməti arasında gərginlik azalmır.
Məlumatlara görə, Paşinyan hökuməti Xankəndiən gəlmiş separatçıları sıxışdırmağa çalışır.
KONKRET.az Modern.az-a istinadən xəbər verir ki, “Hraparak”ın məlumatına görə, xuntanın sonuncu başçısı Samvel Şahramanyan yaxın vaxtlarda Qarabağ ermənilərinə müraciət edəcək.
Bildirilib ki, bəzi kütləvi informasiya vasitələrində və sosial şəbəkələrdə 19-20 sentyabrdakı antiterror tədbirlərindən sonra xunta rejiminin müxtəlif şəxslərdən mənzillər və ya əmlak aldığı, kredit və ya nağd pul verdiyi barədə yayılan məlumatlar reallığa uyğun deyil:
“Bu cür məlumatı olan vətəndaşları Ermənistanın hüquq-mühafizə orqanlarına müraciət etmələrini, cinayətlə bağlı müvafiq məlumat vermələrini xahiş edirik.
Nəzərinizə çatdırırıq ki, Samvel Şahramanyan yaxın vaxtlarda ictimai çıxışında bu və bir sıra digər məsələlərə toxunacaq”, – məlumatda deyilir.