BMT-nin Dünya Turizm Təşkilatının (UNWTO) konfransına ev sahibliyi edən Səudiyyə Ərəbistanı İsrail nümayəndə heyətinə viza verməkdən imtina edib.

KONKRET.az xəbər verir ki, bu barədə İsrail İctimai Yayım Korporasiyası (KAN) məlumat yayıb.

Ər–Riyad hələlik məsələ ilə bağlı açıqlama verməyib.

Xatırladaq ki, iki ölkə arasında diplomatik əlaqələr yoxdur.

Bundan əlavə, Səudiyyə Ərəbistanı və İran 7 illik fasilədən sonra martın 10-da diplomatik münasibətlərin bərpası barədə razılığa gəliblər. Bunun Təl–Əviv və Ər–Riyad arasındakı normallaşma imkanlarına mənfi təsir edəcəyi proqnozlaşdırılır.

Qeyd edək ki, dünən Səudiyyə Ərəbistanının Əl–Üla şəhərində Dünya Turizm Təşkilatının iki günlük konfransı öz işinə başlayıb.

İqbal Rzayev,

KONKRET.az