“Tesla” və “SpaceX” şirkətlərinin rəhbəri İlon Mask ABŞ prezident seçkilərinə qədər hər gün ölkənin Konstitusiyasının birinci və ikinci düzəlişlərinə dəstək verən şəxslər arasında 1 milyon dollar uduş oynayacağını elan edib.

KONKRET.az xəbər verir ki, o, bu vədi Pensilvaniyada keçirdiyi seçici görüşündə, Donald Trampa dəstək tədbirində açıqlayıb.

Görüş zamanı milyarder ilk çeki də təqdim edib.

“1 milyon dollar qazanmaq üçün tək istəyimiz odur ki, petisiyanı imzalayasınız,” – deyə Mask bildirib.

Qeyd edək ki, ABŞ Konstitusiyasının birinci və ikinci düzəlişləri söz azadlığını və silah daşıma hüququnu təmin edir.//Musavat.com