Bakı-Quba yolunun Zarat qəsəbəsi istiqamətində ağır yol-nəqliyyat hadisəsi baş verib. KONKRET.az-ın bölgə müxbiri xəbər verir ki, hərəkətdə olan iki nəqliyyat vasitəsinin toqquşması nəticəsində 4 nəfər ölüb, 2 nəfər ağır bədən xəsarəti alıb. Onların biri uşaqdır. Qəza nəticəsində xəsarət alanlar Xaçmaz rayon Qarabağlı kənd sakinləri Vəliyeva Sevgi Rasim qızı və Vəliyeva Mehriban Feyzulla qızıdır. Yaralananlar Siyəzən Regional Diaqnostika Mərkəzinə çatdırlıb. Qəzanın başvermə səbəbi hələlik məlum deyil. Qəzada ölənlərin adları dəqiqləşdirilir.
Cəlal FƏRZƏLİYEV