Türkiyənin keçmiş prezidenti Abdullah Gül “türk Soros” ləqəbli Osman Kavalanın təklifi ilə gizli şəkildə Suriyadan 50 min ermənini Türkiyəyə gətirib.

KONKRET.az xəbər verir ki, bu barədə eks-prezidentin müşaviri Ahmet Sever “Abdullah Güllə 12 il” kitabında yazıb.

Jurnalistlər Türkiyədə əvvəllər məhkum olunmuş və ölkənin eks-prezidenti Abdulla Gülə müəyyən təsirləri olan Osman Kavalanın ondan Suriyada yaşayan 50 min etnik erməninin Türkiyəyə köçməsinə və orada işə düzəlməsinə diqqət çəkib.

Ahmet Sever kitabında yazır: “Şübhəsiz ki, məhkəmə Osman Kavalanın günahkar olub-olmaması sualına cavab verməlidir. Halbuki Sorosun Ankaradakı rəsmi nümayəndəsi olan Kavala bir vaxtlar Türkiyəni “erməni soyqırımı”nda ittiham edib, İslamı təhqir edib, PKK-dan olan kürd terrorçularına köməklik göstərib və hətta ölkədə hakimiyyəti devirməyə çağırıb…”.

Ahmet Sever “Abdullah Güllə 12 il” kitabında İstanbul restoranlarının birində Osman Kavala ilə söhbətini Sorosun nümayəndəsi ilə belə təsvir edir: “Ahmet, bilirsən ki, Suriyadakı ermənilər son dərəcə çətin vəziyyətdədir. Türkiyə onlara qapı açsa, bu, Ermənistanla münasibətlərin normallaşması üçün yaxşı jest olmazdımı? Suriya ermənilərinin əksəriyyəti Hələb və Dəməşqdə yaşayır, lakin onların əcdadları bir vaxtlar Türkiyədə yaşayıblar.
Bu fikir mənə ümidverici görünürdü. Ertəsi gün səhər Güllə onun iqamətgahında görüşüm oldu və orada Kavalanın prezidentin bəyəndiyi təklifini səsləndirdim”.

Severin sözlərinə görə, Gül Orhan Dink və Robert Koşparı çağıraraq, mətbuata heç bir məlumat vermədən bu işi təşkil etməyi onlardan xahiş edib.

Türkiyənin eks-prezidentinin müşaviri daha sonra yazır: “Mən TÜSİAD-ın baş katibi Zəfər Əli Yavanla Suriyadan gələn ermənilərə iş və ev axtarışında necə kömək etmək barədə danışdım. Təbii ki, bütün bunlar Abdulla Gülün razılığı ilə həyata keçirilib. Tezliklə Yavan yaşıl işıq yandırdı və mənə bildirdi ki, qurum Suriyadan gələn ermənilərə məşğulluq layihəsi çərçivəsində dəstək verməyə hazırdır”.

Roman Göytürk,

KONKRET.az