Tanınmış aparıcıya Türkiyəyə giriş 5 il müddətinə qadağan edilib.
KONKRET.az xəbər verir ki, “Popular Politics” YouTube kanalının aparıcısı İrina Alleman bu barədə telegram kanalda yazıb. O, Türkiyəyə buraxılmadığını bildirib.
Alleman bildirib ki, mayın 28-də İstanbul hava limanında pasport nəzarəti zamanı onu əlavə yoxlamaya aparıblar.
Miqrasiya məmurları Allemanı dindirib və onun barmaq izini götürüblər. Müxbirin hava limanında nə qədər qaldığı məlum deyil. Daha sonra o, səhər gəldiyi Sloveniyaya reysinə qeydiyyata alınıb.
Allemanın Türkiyəyə səfərinin məqsədi barədə məlumat verilmir. Bir gün əvvəl ölkədə prezident seçkilərinin ikinci turu keçirilib və mayın 15-də müxbir verilişi üçün birinci turunun nəticələri haqqında reportaj hazırlayıb.
Bu, rusiyalı jurnalistin Türkiyəyə girişinə qadağa qoyulması ilə bağlı ilk məlum hadisədir. 2022-ci ilin dekabr ayının sonundan etibarən ruslara ölkədə yaşamaq icazəsi kütləvi şəkildə rədd edilib.
Qeyd edək ki, mayın 26-da Rusiya Ədliyyə Nazirliyi İrina Allemanı “xarici agent” elan edib.
Xuraman Etibarlı,
KONKRET.az