Ukrayna Silahlı Qüvvələrinin Baş Qərargahı Rusiya qoşunlarının idarəetmə məntəqələrinə endirilən zərbələrin təfərrüatlarını açıqlayıb.

KONKRET.az xəbər verir ki, məlumata görə, 8 sentyabr 2025-ci ildə Donetsk vilayətində rus ordusunun “Mərkəz” qruplaşmasının və Rusiya Silahlı Qüvvələrinin 41-ci ümumqoşun ordusunun komanda məntəqələri raket qoşunları, artilleriya, hava qüvvələri və PUA bölmələrinin birgə əməliyyatı nticəsində məhv edilib. Bildirilir ki, həmin hərbi birləşmələr Pokrovsk istiqamətində döyüşlər aparır.

Baş Qərargahın məlumatında qeyd olunur ki, 28 avqustda Rusiya müdafiə naziri Andrey Belousov həmin istiqamətdə yerləşən idarəetmə məntəqələrini ziyarət etmişdi. Elə onun səfərindən dərhal sonra rus ordusunun komandanlıq mövqeləri Ukrayna qüvvələrinin zərbəsinə məruz qalıb.

Müşviq Tofiqoğlu,

KONKRET.az