Financial Times nəşri Ukrayna Müdafiə Kəşfiyyat İdarəsinin (GUR) məlumatlarına istinad edərək, Rusiya qüvvələrinin böyük bir hücuma hazırlaşdığını bildirir.

KONKRET.az xəbər verir ki, idarə tərəfindən yayılan məlumatda bildirilir ki, Rusiya strateji mövqelərə qoşun yerləşdirir və cəbhə xəttində hərbi hazırlıqları gücləndirir. Bu hazırlıqlar, cəbhədəki döyüşlərin genişlənməsi və daha çox ərazinin müharibə bölgəsinə çevrilməsi ehtimalını artırır.

Məlumata görə, Rusiya hərbi əməliyyatları həyata keçirmək üçün lazım olan resursları ön cəbhəyə yönəldib. Həmçinin, GUR-un rəhbəri Kirill Budanovun verdiyi açıqlamaya görə, Rusiya həmçinin döyüş əməliyyatlarında istifadə edəcəyi tank və piyadalar üçün geniş təchizat hazırlığı aparır.

Ekspertlər, Rusiya qoşunlarının bu cür hərbi hərəkətləri ilə Ukraynanın cəbhə xəttində vəziyyətin gərginləşəcəyini, yeni döyüşlərin başlaya biləcəyini qeyd edirlər. Bu məlumatlar, həmçinin müharibənin növbəti mərhələsinin başlanması ilə əlaqədar ciddi narahatlıqlar doğurur.

Ukraynanın Müdafiə Kəşfiyyat İdarəsi bu mövzuda əlavə məlumatları açıqlamasa da, təhlilçilər Rusiya qüvvələrinin yaxın zamanda yeni bir hücum başlatmağa hazır olduğunu düşünürlər. Beləliklə, müharibənin alovları daha da artacaq və regionda vəziyyətin nəzarət altına alınması getdikcə çətinləşəcək.

Natiq Səlim,
KONKRET.az