“Təhsil naziri həmin müəllimdən üzr istəməlidir” – Fazil Mustafabackend

"Təhsil naziri həmin müəllimdən üzr istəməlidir" - Fazil Mustafa

“Bakıda 165 saylı məktəbdə şagirdlərin sinif otağında tədris prosesinə uyğun olmayan davranışına görə araşdırılma aparılıb və dərsin təşkilində yol verdiyi nöqsanlara görə fənn müəlliminə töhmət verilib. Bu nə cəsarətsizlik, bu nə qorxaqlıq? Müəllimi belə aşağılamağa, töhmətləməyə kim haqq verib sizlərə?”.

KONKRET.az xəbər verir ki, bunu deputat Fazil Mustafa sosial şəbəkədə  yazıb. Deputat bidirib ki, sosial şəbəkədə yüz şeylər paylaşıla bilər, şagird tərbiyəli davranmırsa, müəllim islah-əmək müəssisəsinin rəhbəri deyil:

“Ayağını qaldırıb partanın üzərinə qoyub video çəkdirən şagirdi müəllim bilmirsiniz niyə görməyib? Normal dərs keçmək əvəzinə müəllim gündəlik səhifələrlə dolu formal sənədləri doldurmalı olur. İcmal, gündəlik, formativ jurnal və başqa tələb olunan mənasız yazılar müəllimi dərsə diqqət yetirməkdən məhrum edib. Nə dərsə hazırlaşmağa vaxtı olur, nə də sinifdə hansısa uşağa qəlbə dəyən söz deməyə. Dərhal tökülüb gəlirlər ki, uşağın üstünə çığırmısan. Hələ serifikasiyaya hazırlaşmağı demirəm. Ümumiyyətlə, 45-50 yaşdan yuxarı bütün müəllimlərə aid sertifikat tələbini ləğv etmək lazım. Onların 15-20 illik təcrübəsi şagirdə bilik verməyə kifayət edər. Bu qədər gərginliyin altında qalan müəllimə şagirdlərin tərbiyəsiz hərəkətinə görə hələ bir töhmət də verirlər. Mən bu müəllimi tanımıram. Ancaq məhz bu məsələyə görə onun hüquqlarını qorumağa hazıram. Düşünürəm ki, vurulan mənəvi zərbəyə görə birbaşa təhsil naziri şəxsən həmin müəllimdən üzr istəməlidir və töhmət dərhal ləğv olunmalıdır”.

Deputat qeyd edib ki, müəllimi belə məsələlərə görə günahkar çıxarmanın tam əleyhinədir:

“Azərbaycanın dəyərli müəllimlərini qorumaq, onlara mənəvi dəstək vermək lazımdır. Şagirdləri bu şəkildə müəllimlərin üzərinə qaldırmaq olmaz. Əlbəttə, pis niyyətli, qaba xarakterli, savadsız müəllimlər də ola bilər, bu konkret faktlar və konkret davranışlar üzrə dəyərləndirilməlidir. Ancaq həmin videogörüntüdəki şagirdlərin hərəkətinə görə müəllimin cəzalandırılması tamamilə yanlışdır”.

  • Nazim
    Yanvar 26, 2022 - 20:35

    Həqiqətən çox düzgün qeyd edilib.Bir sinifə 30-40 uşaq gəlir,hərəsi də bir ailədən.Necə olur tərbiyəsiz uşaqlar və onların valideyni məsuliyyət daşımır,amma müəllim cəzalandırılır.Bəzi valideynlər övladlarını tərbiyəsiz böyüdür,sonra da məktəbə göndərirlər.Məgər valideyn bu cəmiyyət üçün vətəndaş yetişdirməkdə məsuliyyət daşımırmı?Bu cür təbliğatla şagirdləri müəllimlərin üstünə qaldırırlar!Onda bu cəmiyyətdə müəllimin nə hörməti olacaq?

  • Mehyeddin
    Yanvar 26, 2022 - 22:17

    Şagird əgər MÜƏLLİMİNDƏN çəkinmirsə ondan gələcəkdə heçnə gözləmə şeytan ağacı kimi barsız olacaq.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*