ABŞ prezidenti Donald Tramp İranın qeyd-şərtsiz təslim olmalı olduğunu bəyan edib. Onun sözlərinə görə, bu tələb Tehranın müqaviməti tamamilə dayandırması və bütün hərbi ambisiyalarından imtina etməsi anlamına gəlir.

“Bu, cəmi iki sadə sözdür – qeyd-şərtsiz təslim. Bu o deməkdir ki, ‘mən təslim oluram, daha davam etməyəcəyəm’. Əks halda, ABŞ İranın bütün hərbi və nüvə infrastrukturlarını vuracaq”, – deyə Tramp jurnalistlərə açıqlamasında bildirib.

ABŞ prezidentinin bu sərt bəyanatı Vaşinqtonun Tehrana qarşı mövqeyində güzəştə getmək niyyətində olmadığını göstərir və gərginliyin daha da artacağı ehtimalını gücləndirir.

Natiq Səlim,
KONKRET.az