Türkiyə Flyone Armenia aviaşirkətinə ölkənin hava məkanından Livan istiqamətində uçmağa icazə verməyib.
KONKRET.az xəbər verir ki, bu barədə daşıyıcının rəsmi saytında məlumat verilib. Məlumatda deyilir ki, Türkiyənin aviasiya orqanları Flyone Armenia şirkətinin hava məkanından Livan istiqamətinə uçuşunu dayandırıb.
Aviaşirkət Beyruta uçuşlara iyunun 20-dən başlayıb.
Mövcud vəziyyətlə əlaqədar olaraq aviaşirkət iyulun 21-dək İrəvan-Beyrut-İrəvan marşrutu üzrə uçuşları təxirə salmağa məcburdur. Bu marşrut üzrə uçuşların bərpası ilə bağlı müvafiq məlumat veriləcək.
Eyni zamanda qeyd edilir ki, İrəvan-İstanbul-İrəvan reysi qrafikə uyğun həyata keçirilir.
Xuraman Etibarlı,
KONKRET.az