Türkiyə millisinin və “Konyaspor” futbol klubunun 27 yaşlı müdafiəçi Ahmet Çalık qəzada həlak olub.
KONKRET.az Türkiyə mətbuatına istinadən xəbər verir ki, qəza bu gün saat 9-da Gölbaşı rayonunun Hacılar Məhəlləsi adlanan ərazidə baş verib. Futbolçu Ankara-Niğde yolunda idarəetməni itirərək yoldan çıxıb və maşını aşıb.
Məlumata görə, Ahmet Çalık avtomobildə tək olub və hadisə yerində keçinib.