Türkiyənin Qaziantep hava limanında naməlum obyektin aşkarlanmasından sonra onlarla reys təxirə salınıb, sərnişinlər bir neçə saat uçuşlarını gözləyiblər.
KONKRET.az bu barədə Türkiyə mətbuatına istinadən xəbər verir.
Belə ki, mayın 20-nə keçən gecə təxminən 2 743 metr yüksəklikdə iki sərnişin təyyarəsinin ekipajları tərəfindən naməlum obyekt müşahidə edilib. Pilotlar vəziyyəti Qaziantep Hava Nəqliyyatının İdarəetmə Mərkəzinə bildiriblər və aviadispetçerlər də obyekti görüblər.
Qaziantep aeroportunda uçuşlar dayandırılıb.
Bir sıra təyyarələr Şanlıurfa və Adana hava limanlarına yönləndirilib. Vəziyyətlə bağlı rəsmi izahatların daha sonra veriləcəyi qeyd edilir.