Türkiyənin Rizə bölgəsinin Səslidərə kəndində gecə saatlarında naməlum səbəbdən meşə sahəsində yanğın baş verib.
KONKRET.az xəbər verir ki, yanğın qısa müddətdə 5 nöqtəyə yayılıb.
Xəbər üzərinə bölgəyə xilasetmə və Meşə Əməliyyat Müdirliyi qrupları sövq edilib.
Qruplarının təxminən 5 saatlıq işindən sonra nəzarət altına alınan yanğın 20 hektar meşə sahəsinə ziyan vurub.
Yanğının səbəbləri ilə bağlı araşdırmalar davam edir.