“Twitter” İranın ali dini lideri Ayətullah Seyid Əli Xameneinin paylaşımını silib.

KONKRET.az xəbər verir ki, İranın ali dini lideri televiziyaya açıqlamasında COVİD-19-la bağlı Amerika və İngiltərə peyvəndlərinin ölkəyə girişlərinin təhlükəli olduğu səbəbiylə qadağan edildiyini bildirib.

Daha sonra onun rəsmi “Twitter” səhifəsində paylaşılan bu fikirləri isə “Twitter” ortadan qaldırıb.

Qeyd edək ki, bundan əvvəl “Twitter” ABŞ Prezidenti Donald Trampın da bir neçə statusunu silmişdi.