Ukraynanın Lvov şəhərində “AN-12” təyyarəsi qəza enişi zamanı idarəetmədən çıxaraq yerə çırpılıb.
KONKRET.az RİA Novosti-yə istinadən məlumat verir ki, ölkənin infrastruktur naziri Vladislav Kriklinin hadisə yerindən bildirdiyinə görə, qəza zamanı 5 nəfər həyatını itirib.
İlkin məlumatlara görə, təyyarədə 8 nəfər olub, uçuşun sonuna yaxın təyyarənin yanacağı qurtarıb. Ona görə də pilotlar aeroport yaxınlığınd aboş yer axtarmağa başlayıblar. Bildirilir ki, təyyarə İspaniyanın Viqo şəhərindən Lvova çarter reysi həyata keçirirmiş.
Hadisə yerinə dərhal çox sayda xilasedici cəlb edilib. Hadisənin səbəbləri araşdırılır.