Cəlilabad rayonunda vəzifəli şəxsin evdən meyiti tapılıb.

KONKRET.az xəbər verir ki, Milli.Az-ın əldə etdiyi məlumata görə, hadisə Cəlilabad rayonu ərazisində qeydə alınıb.

Belə ki, rayon sakini, 1990-ci il təvəllüdlü Ziya Muradovun meyiti şəhər ərazisində qardaşına məxsus evdə aşkar olunub.

Ölümün səbəbi hələlik dəqiq məlum deyil. Mərhumun evli olduğu bildirilir.

Qeyd edək ki, Z. Muradov Cəlilabad Rayon İcra Hakimiyyəti Başçısının Təklə kənd inzibati ərazi dairəsi üzrə nümayəndəsinin müavini vəzifəsində çalışırdı.