“DON” axtarış birləşmələri Rusiyanın Voronej vilayətinin Luşnikovka kəndində hərbi əsirlər üçün nəzərdə tutulmuş “Dulaq 191” düşərgəsinin ərazisində 640 nəfərin meyitinin qalıqlarını aşkarlayıb.
KONKRET.az xəbər verir ki, sosial mediada yayılan kadrlarda qazıntı prosesi öz əksini tapıb. Axtarışlar zamanı meyitlərin qalıqları ilə yanaşı, şəxsi əşyalar da tapılıb.
“DON” birləşməsinin rəhbəri Mixail Seqodinin sözlərinə görə, axtarış aparanlar bazar ertəsi günü Luşnikovka kəndindəki 17 məzardan birində işi başa çatdırıblar. Onlar tezliklə yeni kəşfiyyat əməliyyatlarına başlamağı planlaşdırır.
Qeyd olunub ki, 1942-1943-cü illərdə məzarlıq tapılan yerdə sovet hərbi əsirlərinin “Dulaq-191” tranzit düşərgəsi yerləşib. Yaxınlıqda qadınlar və uşaqlar üçün ayrıca düşərgə olub ki, orada da ən az 8,5 min nəfər həlak olub. Faşistlər, ümumilikdə Voronej vilayətində 17 hərbi əsir düşərgəsi yaradıblar və orada saxlanılan 70 min nəfərdən 10 mini həyatını itirib. Unikal.org