Xaçmazda yol-nəqliyyat hadisəsi baş verib.
KONKRET.AZ-ın Şimal bölgə müxbirinin verdiyi məlumata görə, Xaçmaz – Quba yolunun 2-ci km-də hərəkətdə olan iki nəqliyyat vasitəsi toqquşub.
Qəza zamanı 2 nəfər – 1986-cı il təvəllüdlü Qaraqurtlu kənd sakini Ağarzayev Qoşqar Şövkət oğlu və 1999-cü il təvəllüdlü Ağalıq kənd sakini Elnur İbrahimov ağır bədən xəsarətləri alıb.
Yaralılar Xaçmaz Rayon Mərkəzi Xəstəxanasına çatdırılıb.
Vəziyyətləri ağır olaraq qiymətləndirilir.
Müxbir: Cəlal FƏRZƏLİYEV