Yaponiyada doğum nisbəti ardıcıl yeddinci ildir ki, 1,26 səviyyəsinə qədər azalıb.

KONKRET.az xarici mediaya istinadən xəbər verir ki, bu barədə Yaponiya Səhiyyə Nazirliyi məlumat yayıb.

İllik demoqrafik statistikaya görə, 2022-ci ildə ümumi doğum nisbəti 2005-ci ildəki 1,2601-dən 1,2565-ə düşüb.

Bildirilib ki, əhalinin səviyyəsinin sabitləşməsi üçün ümumi doğum əmsalı 2,07 olmalıdır.

Məlumata görə, 125 milyondan çox olan Yaponiya əhalisi 16 ildir ki, azalır və 2070-ci ilə qədər 87 milyona düşəcəyi proqnozlaşdırılır.

Belə ki, Yaponiyada yeni doğulanların sayı keçən il 5% azalaraq 77,747-yə enib. Əhalinin sayı 798 214 nəfər azaldığından ölənlərin sayı 9% artaraq 1,57 milyona çatıb.

Qeyd olunub ki, hökumət növbəti üç il ərzində yeni uşağa qulluq paketi üçün illik 3,5 trilyon yen (25,2 milyard dollar) ayırmağı planlaşdırır.

İqbal Rzayev,

KONKRET.az