Rusiya və Azərbaycan bu il qarşılıqlı ticarət dövriyyəsini 5 milyard dollara çatdıracaq.

KONKRET.az axaraz-a istinadən xəbər verir ki, bunu Rusiyanın Azərbaycandakı səfiri Mixail Yevdokimov Bakıda keçirilən “Avrasiya iqtisadi inteqrasiyasında iştirakın biznes üçün faydaları” adlı beynəlxalq dəyirmi masada çıxışı zamanı deyib.

“Bizim Azərbaycanla çox sıx əlaqələrimiz, çox fəal əməkdaşlığımız var. Bu il, yəqin ki, bizim üçün simvolik olaraq 5 milyard dollarlıq ticarət dövriyyəsinə çatacağıq. Bəzi tərəflər üçün bu, çox böyük rəqəm olmaya bilər. Amma inanırıq ki, bu, ölkələrimiz arasında ticarət dövriyyəsində çox yaxşı qarşılıqlı artımın göstəricisidir”, – o bildirib.