İngiltərənin Esseks bölgəsində yük maşınında meyiti tapılan 39 miqrantın kimliyi ilə bağlı araşdırmalar yekunlaşıb.

KONKRET.AZ bildirir ki, Apa-nın Böyük Britaniya mətbuatına istinadən verdiyi xəbərə görə, bu barədə Esseks bölgəsinin polis departamenti məlumat yayıb.

“Ölənlərin ailələrinə məlumatlar verilib. Esseks polisi Vyetnam polisi ilə birgə araşdırmanı davam etdirir”, – deyə polis departamentindən bildirilib.

İlkin olaraq ölən miqrantların Çin vətəndaşları olması ilə bağlı informasiyalar yayılsa da, tədqiqatlardan sonra onların Vyetnam vətəndaşları olduğu təsdiqlənib.

Qeyd edək ki, oktyabrın 23-də Esseks bölgəsində içərisində 39 miqrantın meyiti olduğu yük maşını aşkar edilib. Yük maşının Böyük Britaniyaya Bolqarıstandan keçdiyi deyilsə də, daha sonra onun Belçikadan gəldiyi müəyyənləşib.

Hadisə ilə bağlı yük maşının sürücüsü 25 yaşlı Şimali İrlandiya vətəndaşı da daxil olmaqla, 5 nəfər saxlanılıb.