Rusiya Xarici İşlər Nazirliyinin sözçüsü Mariya Zaxarova Ermənistan parlamentinin spikeri Alen Simonyanın diplomatı “bir nazirliyin katibəsi” adlandırdığı iradına cavab olaraq planetin bütün katibələrini dəstəklədiyini bildirib.

KONKRET.az xarici KİV-ə istinadən xəbər verir ki, müvafiq yazı Zaxarovanın Telegram-kanalında yerləşdirilib.

Onun sözlərinə görə, səviyyə ilə bağlı aşkar problemlərin olduğunu mübahisə etmək çətindir.

“Mən planetin bütün katibələrini dəstəkləyirəm. Sizin işiniz hətta ən yüksək səviyyəli müdirin də uğurunun açarıdır. Gündəlik zəhmətli işiniz, o cümlədən plan tərtib etmək, görüşlər təşkil etmək, sənədlərlə işləmək, zəngləri qəbul etmək və milyonlarla müxtəlif qayğılar olmadan hər şey toz olacaq. İnciməyin, bu adam düşünmədən ağzını açıb”, – deyə o yekunlaşdırıb.

İqbal Rzayev,

KONKRET.az