Aİ Şurasının keçmiş prezidenti sürücülük vəsiqəsindən məhrum edildibackend

Aİ Şurasının keçmiş prezidenti sürücülük vəsiqəsindən məhrum edildi

Avropa İttifaqı (Aİ) Şurasının keçmiş prezidenti, Polşanın keçmiş baş naziri və hazırkı müxalifət lideri Donald Tusk sürət həddini aşdığı üçün sürücülük vəsiqəsindən məhrum edilib.

KONKRET.az-ın xəbərinə görə, bu barədə Donald Tusk “Twitter” hesabında bildirib.

“Yol hərəkəti qaydalarının pozulması ilə əlaqədar üç ay müddətinə sürücülük vəsiqəmin ləğvi, 10 bal və cəriməm var. Adekvatdır. Mən bu cəzanı müzakirə etmədən qəbul etdim”, – deyə o bildirib.

Mlava rayon polis departamentinin sözçüsü jurnalistlərə faktı təsdiqləyib. Qeyd olunub ki, şənbə günü səhər Vişnevo kəndində polis sürəti saatda 50 kilometrdən çox aşan “Skoda” avtomobilinin sürücüsünü saxlayıb. Polis sözçüsü cərimələnən şəxsin Donald Tusk olduğunu və onun nəqliyyat vasitələrini idarə etmək hüququndan məhrum edildiyini və cərimə olunduğunu təsdiqləyib.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*