Ayətullah Sistani Ramazan ayının başlanğıcı ilə bağlı fətva verib.
KONKRET.az “Entexab”-a istinadla xəbər verir ki, fətvaya əsasən, aprelin 14-ü Ramazanın ilk günü elan edilib.
Ayətullah Sistaninin ofisi orucluq ayının bu il 30 gün olacağını açıqlayıb.
Qafqaz Müsəlmanları İdarəsinin təqvimində isə aprelin 13-ü Ramazan ayının başlanğıcı kimi qeyd olunub.
QMİ-nin fətvasında qeyd olunub ki, bu barədə məlumat Azərbaycan Astrofizika Rəsədxanasından verilib. Həmçinin, bildirilib ki, bəzi ölkələrdə Ramazan ayı aprelin 14-də, əksər ölkələrdə isə aprelin 13-də başlayacaq.
Nazirlər Kabinetinin müvafiq qərarına əsasən, Fitr bayramı ilə əlaqədar mayın 13-14-ü ölkədə qeyri-iş günləridir.