Azərbaycanda pensiya və müavinətlər artırılıbbackend

Azərbaycanda pensiya və müavinətlər artırılıb 

Cari ilin yanvar-mart aylarında pensiya və müavinətlərin maliyyələşdirilməsinə yönəldilmiş vəsaitin məbləği ötən ilin müvafiq dövrünə nisbətən 16,1 faiz artırılaraq 1 milyard 451,2 milyon manata çatdırılıb.

Bu barədə KONKRET.az-a Azərbaycan Respublikası Əmək və Əhalinin Sosial Müdafiəsi Nazirliyindən məlumat verilib.

Sərf olunmuş vəsaitin 97,6 faizini pensiya xərcləri təşkil edib. 2023-cü il aprelin 1-i vəziyyətinə Dövlət Sosial Müdafiə Fondunda 1101,9 min nəfər pensiyaçı qeydiyyatda olmuşdur ki, bu da ölkə əhalisinin 10,9 faizini təşkil edir. Onların 63,5 faizi yaşa, 23,7 faizi əlilliyə, 12,8 faizi isə ailə başçısını itirməyə görə pensiya alır.

Təyin olunmuş aylıq pensiyaların orta məbləği ötən ilin müvafiq dövrü ilə müqayisədə 18,6 faiz, cari ilin əvvəli ilə müqayisədə isə 16,2 faiz artaraq 432,3 manat təşkil etmiş və orta aylıq əməkhaqqının 48,0 faizinə bərabər olub.

  • Ersadmahmudov
    May 19, 2023 - 02:21

    Əla

    • Məzahir
      May 21, 2023 - 08:53

      Beş ay bundan əvvəl artan pensiyanı bu gün yeni xəbər kimi paylaşmaqda fikriniz nədir?

  • Rəcəb
    May 20, 2023 - 06:57

    Veteran pullarıda bura aitdir?

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*