Ötən ilin yanvar ayında Əmək və Əhalinin Sosial Müdafiəsi Nazirliyi məcburi köçkünlər üçün tikilmiş 1662 mənzilin onlayn satışına başlayıb. Satışa çıxarılan mənzillər Qaçqınların və Məcburi Köçkünlərin İşləri üzrə Dövlət Komitəsinin sifarişi ilə Bakının Ramana, Ümid, Kürdəxanı qəsəbələrində, Abşeron və Samux rayonlarında inşa edilən binalarda yerləşir.
KONKRET.az xəbər verir ki,bu mənzillər daşınmaz əmlak bazarında MTK-ların satışa çıxardığı evlərdən nisbətən ucuz təklif olunur. Bəs görəsən, keyfiyyət olaraq necədir?
Mövzu ilə bağlı danışan əmlak məsələləri üzrə ekspert Ramil Qasımzadə bildirib ki, sözügedən mənzillərin qiymətləndirmə prosesi düzgün aparılmayıb:
“Hazırda o binalar boş qalıb və demək olar ki, alıcı yoxdur. İlk növbədə Əmək və Əhalinin Sosial Müdafiəsi Nazirliyi tərəfindən bu binalardakı mənzillərin qiymətləndirilməsi zamanı baş tutan tender prosedurunda biz də iştirak etdik. Deyə bilərəm ki, tender zamanı yanlışlığa yol verildi. Yəni qiyməti aşağı təklif edən yerli şirkətlərə deyil, digər xarici şirkətlərə üstünlük verildi. Halbuki xarici şirkətlər yerli bazarı bizdən yaxşı bilə bilməz. İndi elə qiymətlər təklif olunur ki, evləri alan yoxdur. Hesab edirəm ki, xarici şirkətlər qiymətləri bir qədər yüksək veriblər. Faktiki olaraq, həmin binaların istər keyfiyyət, istərsə də qiymət xüsusiyyətləri olduqca aşağıdır”.
Ekspertin fikrincə, bu mənzillər keyfiyyətcə aşağıdır və ucuz tikinti materialları ilə tikilib:
“Məsələn, belə mənzillərə baxış keçirən vətəndaşlar bu evlərin yenidən təmir olunmalı olduğunu və inşaat prosesi zamanı keyfiyyətcə aşağı materiallardan istifadə olunduğunu bildirirlər. Hətta elə binalar var ki, məcburi köçkünlər heç ora köçürülməyib. Yəni tikinti zamanı olduqca aşağı keyfiyyətli materiallardan istifadə olunub. Mənzilin kvadratını təxminən 800-900 manata alan vətəndaş, həmin mənzili yenidən təmir etməlidir. Digər mənfi cəhətlərdən biri isə, infrastrukturdan bir qədər kənarda olmalarıdır. Məsələn, Ramana qəsəbəsindəki binalar elə bir ərazidə yerləşir ki, orada hamısı fərdi yaşayış evləridir. Yəni vətəndaş bu mənzilə verəcəyi vəsait hesabına ondan daha yaxşı və komfortlu fərdi yaşayış evi ala bilər. Belə binaların əksər hissəsi yol-nəqliyyat infrastrukturundan xeyli aralıdır. Bütün bunlar vətəndaşları belə binalardan mənzil almaqdan çəkindirən amillərdir”./Yenisabah.az
Rəhmətliyin oğlu! Məcburi köçkünə infrastruktura yaxın, avropa istehsalı materiallardan istifadə etməklə mənzil tikməyəcəkdilər ki (hansı ki o cür deyilirdi). O mənzilləri 20 il və daha çox xidmət etmiş kirayədə yaşayan hərbi qulluqçulara və yaxud ipoteka kredit fonduna -sosial mənzil (kirayə mənzil) – vermək daha yaxşı olardı
Belə mənzillərə illərlə işləyib əziyyətlə qazanıb yığdığımız pulu verməkdənsə kirayədə yaşamaq daha məsləhətlidi. Çünki keyfiyyətin aşağı olması, məzilin gələcəkdəki təhlükələrinin fərqində olmağı tələb edir.
Yalan məlumatdır. Bir ildir Romanı qəsəbəsində tikilən evlərdən ev almaq istəyirik. Hansı evi bron etmək istəyirik, yazılır bloklanıb. İndidə eyni şey . O qəsəbədəki evləri satmırlar. Məlumatı dəqiqləşdirmək üçün girin sayta ev seçin görün ordan ev bron edə bilirsiniz? Ağızdan eşidiləni yox, faktı yoxlayıb yazın.
Keyfiyyetsiz evdirse herbicilere niye versinlerki.Agluva ne geldi danisirsan.herbici butun xidmet boyu riskle yasadi, indide verilen evde ailesi ile riskle yaşasin? Esgere bu qeder ucuz baxmayin, sonra heç kim esger olmaq istemeyecek ve dusmen seni öz evinde tecavuze meruz qoyacaq.Cammat deyir keyfiyyetsizdi,satilmir,sende deyirsen Keyfiyyetsizdirse satilmayacaqda ver herbiciye.senin mentuquve ne eleyim.