Bakıda tarix-memarlıq abidəsini restoran kimi işlədənlərlə bağlı RƏSMİ AÇIQLAMAbackend

Bakıda tarix-memarlıq abidəsini restoran kimi işlədənlərlə bağlı RƏSMİ AÇIQLAMA

Sosial şəbəkələrdə yayılan görüntülərdə Mərdanov Qardaşları küçəsində restoranın fəaliyyət göstərdiyi tarixi-memarlıq abidəsinə qeyri-qanuni dəyişiklik edilib.

KONKRET.az xəbər verir ki, məsələ ilə bağlı Mədəniyyət Nazirliyi yanında Mədəni irisin Qorunması, İnkişafı və Bərpası üzrə Dövlət Xidmətindən Trend-in sorğusuna cavab olaraq bildirilib ki, bir müddət öncə Mərdanov Qardaşları 20 ünvanında yerləşən, tarix-memarlıq abidəsi (inv. 2950) olan binaya müdaxilə edilib.

“Bununla bağlı Mədəniyyət Nazirliyi yanında Mədəni irisin Qorunması, İnkişafı və Bərpası üzrə Dövlət Xidməti tərəfindən baş vermiş müdaxilə faktının araşdırılması və aradan qaldırılması üçün tədbirlər görüldü. Həmin müdaxilə faktı aradan qaldırılsa da, obyekt sahibi tərəfindən qanun pozuntusu təkrar törədilib.

Baş vermiş hadisənin aradan qaldırılması və qanun pozuntusuna yol vermiş şəxslərin cəzalandırılması üçün hüquq mühafizə orqanları ilə birgə iş aparılır”, – deyə məlumatda bildirilib.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*