Şimali Koreya lideri Kim Çen Inın on minlərlə vətəndaşını qeyri-insani şəraitdə işləmək üçün Rusiyaya göndərdiyi üzə çıxıb.

KONKRET.az xəbər verir ki, Cənubi Koreya kəşfiyyatının BBC-yə verdiyi məlumata görə, keçən il 10 mindən çox şimali koreyalı Rusiyada işləməyə məcbur edilib, bu il isə rəqəmin 50 mini keçəcəyi gözlənilir.

İşçilər əsasən hündürmərtəbəli yaşayış binalarının tikintisində çalışır, gündə 18 saata qədər işləyir və ildə cəmi iki gün məzuniyyət alırlar. Onlar daimi nəzarət altındadır və qaçmalarının qarşısını almaq üçün Şimali Koreya təhlükəsizlik agentləri tərəfindən qorunurlar.

Mütəxəssislər bu şəraiti “müasir dövrün qul əməyinə” bənzədir və qeyd edirlər ki, bu işçi axını Rusiyanın Ukraynaya hücumlarından sonra artan işçi çatışmazlığını kompensasiya etmək üçün təşkil olunub.

Aynurə İsmayıl

KONKRET.az