“Cəzamız belə verilib” – Deputat Tahir Kərimli xalqdan və spikerdən ÜZR İSTƏDİ backend

"Cəzamız belə verilib" - Deputat Tahir Kərimli xalqdan və spikerdən ÜZR İSTƏDİ 

Deputat Tahir Kərimli Milli Məclisin ötən dəfə keçirilən iclasında Milli Məclisin avtomobil parkının yenilənməsi ilə bağlı çıxışına görə spiker Sahibə Qafarovadan və xalqdan üzr istəyib.

KONKRET.az xəbər verir ki, T. Kərimli qeyd edib ki, o çıxışında yanlış məlumatlara əsaslanıb:

“Məlum oldu ki sürücülərin əməkhaqqı kəsilməyib. Onlar üçün hətta kurs da təşkil edilib. Sənədlərdə gördüm ki, Milli Məclisdə xeyli sayda insanlar yüksək vəzifələrə çəkiliblər. Bir neçə adama COVİD-lə bağlı 500 manat yardımlar edilib.

 

Deputatın avtomobillərlə bağlı təklifi Sahibə Qafarovanı ƏSƏBİLƏŞDİRDİ – YENİLƏNİB

 

Xüsusilə Milli Məclis rəhbərliyinin fəaliyyəti göz qabağındadır. Mən onun xaricilərlə bir neçə dildə necə danışdığının şahidi olmuşam. İndiki dövrdə mənzil məsələsini qoymağım düzgün deyildi. Ona görə dönə-dönə Milli Məclis sədrindən və xalqdan üzr istəyirəm. Mən hesab edirəm ki, cəzamız qınaqlarla verilib”.

Spiker Sahibə Qafarova isə deputata gələn dəfə yanlış, təsdiqini tapmayan məlumatlarla Milli Məclisdə diskussiya aparmamağı təklif edib./qafqazinfo/

Xatırladaq ki, ötən iclasda T.Kərimlinin Milli Məclisin avtoparkının yenilənməsini təklif etməsi spiker Sahibə Qafarovanın narazılığına səbəb olmuşdu.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*