ABŞ-ın keçmiş milli təhlükəsizlik müşaviri Con Bolton NATO-nu Türkiyəni alyansdan çıxarmağa və müxalif partiyalarını dəstəkləməyə çağırıb. O, Ankaranı müttəfiq olmayan ölkə kimi davranmaqda ittiham edib.

KONKRET.az xəbər verir ki, “Wall Street Journal”da dərc olunan məqaləsində Bolton Türkiyə prezidenti Rəcəb Tayyib Ərdoğanı “parçalayıcı və təhlükəli” fəaliyyətinə və “müharibəçi regional siyasətə” görə tənqid edib.

Bolton Ərdoğanı Türkiyənin maliyyə sistemini və iqtisadi sabitliyini dəfələrlə təhdid edən Osmanlıdan sonrakı dünyəvi konstitusiyasının əsas elementlərini pozmaqda” ittiham edərək ölkənin NATO üzvü olduğunu, lakin müttəfiq kimi fəaliyyət göstərmədiyini bildirib.

O, Qərbi bu il qarşıdan gələn prezident seçkilərində Türkiyə müxalifətinə kömək etmək üçün qəti addımlar atmağa çağırıb.

Türkiyənin keçən il İsraillə barışmasına və bu əlaqələri inkişaf etdirmək səylərinə baxmayaraq, Bolton deyib ki, Ərdoğanın İsrailə qarşı daimi antaqonizmi onun Yaxın Şərqdəki daha geniş hegemon gündəmini əks etdirir.

O, Türkiyənin Ukraynaya pilotsuz təyyarələr verməsini türk pilotsuz təyyarələrini tanıtmaq üçün reklam işi adlandırıb. Onun sözlərinə görə, belə təhlükələrdən biri Ankaranın İsveç və Finlandiya qarşısındakı tələbləridir və Bolton bunu kürdlərə qarşı səlib yürüşü adlandırıb.