Əfqanıstanın şimalındakı Qunduz əyalətinin Seyid Abad məcidində törədilən terror aktında həlak olanların sayı 150 nəfərə çatıb.

KONKRET.az xəbər verir ki, bu barədə xarici mətbuat məlumat yayıb.

Qeyd edilir ki, hadisə zamanı azı 200 nəfər xəsarət alıb. Həlak olanlar və yaralananlar arasında uşaqlar və yeniyetmələr də var.

Xatırladaq ki, hücum insanların cümə namazına toplaşdığı vaxt baş verib. İlkin məlumata görə, kamikadze məscidin daxilində partlayıcı qurğunu işə salıb.

Partlayışa görə məsuliyyəti İŞİD silahlı qruplaşması öz üzərinə götürüb.