“Ruhumuz dincəldi, elə bil sakitlik tapdı ki… Həm torpağımıza qovuşduq, həm də atamın məzarını tapdıq”.

KONKRET.az xəbər verir ki, bunu Vətən Müharibəsinə həsr olunmuş “BİZ” filmində Azərbaycanın Milli Qəhrəmanı, şəhid Allahverdi Bağırovun qızı, həkim, polkovnik-leytenant Zümrüd Bağırova deyib.

“Əvəzolunmaz sevinc hissləri yaşadıq. Ağdamın geri alınması bizə çox böyük sevinc yaşatdı. Biz 27 ildən sonra atamızın qəbrini ziyarət edə bildik.

Elə sevinirdim ki, elə bil gedib orada atamı sağ görəcəm”, – DSX-nin Tibb xidməti kapitanı Aynur Bağırova duyğularını bölüşüb.