Milli Məclisin deputatı Günay Ağamalı Ana Vətən Partiyasının bir neçə ay sonra keçiriləcək qurultayında sədr postuna öz namizədliyini irəli sürəcək.

KONKRET.az xəbər verir ki, bu barədə yayılan məlumatı Modern.az-a açıqlamasında partiyanın hazırkı sədri, deputatın atası Fəzail Ağamalı təsdiq edib.

“Bir müddət əvvəl ona jurnalistlərdən biri partiyanın vəziyyəti və digər məsələlərlə bağlı suallar verəndə partiyanın sədrliyinə namizəd olacağını deyib. Bəli, belə olacaq”,- F.Ağamalı qeyd edib.