Hacıqabul rayonunda zəlzələ olub.

KONKRET.AZ xəbər verir ki, Respublika Seysmoloji Xidmət Mərkəzindən verilən məlumata görə, yeraltı təkan ilkin məlumatlara əsasən, yerli vaxtla saat 10:49-da Qobustan stansiyasından 36 km cənub-qərbdə Hacıqabul ərazisində qeydə alınıb.

Maqnitudası 3.5, dərinliyi 5 km olan zəlzələ hiss olunmayıb.

Qeyd edək ki, dekabrın 14-də də yerli vaxtla saat 16:58-də Əli Bayramlı seysmik stansiyasından 32 kilometr şimal-qərbdə Hacıqabul ərazisində zəlzələ qeydə alınıb. Yeraltı təkanın maqnitudası 3,5, dərinliyi 5 kilometr olub.