Hindistan Çinlə sərhədə əlavə on min əsgər ayırıb. Bununla da bu ərazidə xidmət edən qoşunların sayı iki dəfədən çox artırılıb.

KONKRET.az xarici mediaya istinadən xəbər verir ki, bu barədə Bloomberg yüksək rütbəli Hindistan rəsmiləri arasında anonim mənbələrə istinadən xəbər verir.

Mənbələr bildiriblər ki, əvvəllər ölkənin qərb sərhədində xidmət etmiş 10 min əsgərdən ibarət qüvvə indi Çinlə mübahisəli sərhədin bir hissəsini möhkəmləndirmək üçün yerləşdirilib.

Bundan əlavə, artıq Hindistanın Çinlə sərhədində yerləşdirilən doqquz min əsgər kontingenti yeni yaradılan döyüş komandanlığına veriləcək. Silahlı qüvvələrin hər iki bölməsi sərhədin 532 kilometrlik hissəsini qoruyacaq.

Hindistan Silahlı Qüvvələrinin və ölkənin Müdafiə Nazirliyinin nümayəndələri vəziyyəti şərh etməyiblər.

Qeyd edək ki, Hindistan və Çinin Himalay dağlarında mübahisəli sərhədi var. 2022-ci ilin dekabrında Hindistan hərbçiləri ilə Çin ordusunun şəxsi heyəti arasında sərhəd münaqişəsi də baş vermişdi.

Günel Mikayılova,

KONKRET.az