Hollandiya Ukraynaya Rusiya Federasiyasına hücum etmək üçün F-16 qırıcılarından istifadə etməyə icazə verib.

KONKRET.az xəbər verir ki, bu barədə Hollandiyanın müdafiə naziri Kaysa Ollonqren məlumat verib.

Məlumata görə, Ukrayna Silahlı Qüvvələrinə verilən F-16 qırıcıları Rusiya ərazisindəki hədəflərə zərbələr endirmək üçün istifadə edə biləcəyinə dair razılıq əldə olunub:

“Hollandiya qırıcı təyyarələrin istifadəsinə heç bir məhdudiyyət qoymayacaq. Biz Ukrayna ordusundan yalnız BMT Nizamnaməsində qeyd olunduğu kimi beynəlxalq hüquqa və özünümüdafiə hüququna hörmət etməyi xahiş edirik ki, bu da qırıcılardan özünümüdafiə çərçivəsində əldə etməli olduqları hərbi məqsədlərə nail olmaq üçün istifadə etmələri deməkdir”.