Latviyanın Marupe şəhərində pilotsuz uçuş aparatları istehsal edən “Edge Autonomy” zavodunda genişmiqyaslı yanğın baş verib.

KONKRET.az xəbər veirr ki, yanğın nəticəsində güclü alov əmələ gəlib.

Zavodun direktor müavini Janis Vilmanis qeyd edib ki, yanğın ciddi ziyan vurub, lakin onun dəqiq miqyası hələlik məlum deyil. O, əlavə şərh verməkdən imtina edib.

Qeyd edək ki, Edge Autonomy dünyanın aparıcı dron təchizatçılarından biridir. Şirkətin məhsulları hərbi, mülki və akademik tətbiqlərdə istifadə olunur və 70-dən çox ölkəyə çatdırılır.

Günel Mikayılova,

KONKRET.az