Somalidə millət vəkillərinin qaldığı otelə silahlı basqın olub.
KONKRET.az xarici mediaya istinadən xəbər verir ki, nəticədə 3 nəfər ölüb, 2 millət vəkili yaralanıb.
Hücuma görə məsuliyyəti “Əl-Şəbab” terror təşkilatı üzərinə götürüb.
Hadisəni törədən şəxslər polis geyimində otelə yaxınlaşaraq əl bombaları ilə hücuma keçib.
Təhlükəsizlik qüvvələri oteldə olan 100 nəfərin təxliyə edildiyini bildirib.
Hazırladı: Günel MUSEYİB