Moldovalı MMA döyüşçüsü Yuriy Lapikus İtaliyada motosiklet qəzasına düşərək 27 yaşında dünyasını dəyişib.

KONKRET.az xəbər verir ki, bu barədə “La Gazzetta dello Sport” məlumat yayıb.

Bildirilib ki, martın 17-də Lapikus ağır motosiklet qəzasına düşüb. İdmançı təcili yardım maşını ilə Milandakı xəstəxanalardan birinə aparılıb. O, üç gün komada qalıb və martın 20-də ölüb.

Qeyd edək ki, Lapikus orta çəki dərəcəsində çıxış edib. Peşəkar karyerasında 16 döyüş keçirən idmançı cəmi iki dəfə məğlub olub.

İdmançı “One Championship“da çıxışları ilə tanınır.

İqbal Rzayev,

KONKRET.az