Hindistanın Baş naziri Narendra Modi Rusiya Prezidenti Vladimir Putini ad günü münasibətilə təbrik edib və Rusiya-Hindistan tərəfdaşlığının möhkəmləndirilməsinə verdiyi şəxsi töhfəyə görə ona minnətdarlığını bildirib.

KONKRET.az xəbər verir ki, Modi bu barədə “X” sosial şəbəkəsində paylaşım edib:

“Dostum Prezident Putinlə danışdım və onu doğum günü münasibətilə səmimi təbrik etdim, möhkəm cansağlığı və uzun ömür arzuladım. Gələcək illərdə Hindistan-Rusiya tərəfdaşlığının gücləndirilməsinə yönəlmiş şəxsi səylərinə görə dərin minnətdarlığımı bildirirəm”, – deyə Hindistan hökumət başçısı qeyd edib.

Qeyd edək ki, Narendra Modinin müraciəti rus dilində yayımlanıb. Sosial şəbəkə istifadəçiləri bunu Rusiya liderinə göstərilən xüsusi hörmət əlaməti kimi qiymətləndiriblər.

Müşviq Tofiqoğlu
KONKRET.az