Rusiya Prezidenti Vladimir Putinlə ABŞ Prezidenti Donald Tamp arasında telefon danışığı olub.

KONKRET.az xəbər verir ki,  bu barədə Kremlin mətbuat xidməti məlumat yayıb.

Məlumatda telefon danışığının Rusiya tərəfinin təşəbbüsü ilə baş tutduğu bildirilib.

Qeyd olunub ki, Vladimir Putin amerikalı həmkarına xüsusi xidmət orqanlarının xətti ilə verilən informasiyalara görə təşəkkürünü bildirib.  Hansı ki, bu informasiyalqr Rusiyada terror aktlarının qarşısını almağa kömək edib.

Rusiya və ABŞ liderləri həmçinin qarşılıqlı maraq doğuran kompleks məsələləri müzakirə ediblər. Terrorla mübarizə sahəsində birgə əməkdaşlığın davam etdirilməsi barədə razılığa gəlinib.