Qatar qəzasında hər iki ayağını itirən İmran Lalayevin videosu çəkilərək qazilərə həsr olunan mahnının fonunda ”Tik-tok” sosial şəbəkəsində paylaşılıb.
KONKRET.az xəbər verir ki, Bakıdakı teatrlardan birinin aktyoru olan İ.Lalayevin sözlərinə görə, 2013-cü ildə 21 yaşında qatar qəzasında hər iki ayağını itirib.
Bundan sonra isə protez ayaqla hərəkət etməyə başlayıb. O deyir ki, xəbəri olmadan tanımadığı şəxs videosunu çəkərək paylaşıb.
Paylaşılan videoda istifadəçilər onun qazi olması ilə bağlı şərhlər yazıblar.
İ.Lalayev icazəsini almadan onun videosunu çəkib paylaşan şəxsi məhkəməyə verəcəyini deyib. /Xəzər Xəbər