İspaniyanın Real Madrid klubunun braziliyalı futbolçusu Vinisius Junior zədələnib.

KONKRET.az bildirir ki, klubun rəsmi saytında verilən məlumata görə, onun sağlamlıq müayinəsindən keçərkən sol ayağının arxa əzələsində zədə aşkarlanıb.

Ötən mövsümdə də eyni tipdə olan zədədən iki dəfə əziyyət çəkən ulduz futbolçunun neçə müddətə sıralara qayıdacağı ilə bağlı hələki heç bir açıqlama verilməyib. İspaniya mətbuatına inansaq, futbolçu təxminən bir ay yaşıl meydanlardan uzaq qalacaq.

Məlumat üçün bildirək ki, İspaniya La Ligqasının 14-cü turunda “Leqanes” ilə oyunan matçda 90 dəqiqə forma geyinən Vinisiusun soyunma otağında ağrılarının başladığı və bu gün səhər yoxlanışından keçdiyi bildirilir.

Qeyd edək ki, braziliyalı ulduz 27 noyabrda Çempionlar Liqasında səfərdə “Liverpool” ilə vacib oyunda komandasına kömək edə bilməyəcək. İspaniya qəzetləri isə onun yerinə Arda Gülerin forma şansı alacağını irəli sürüblər.